Сопственик на паркирано возило во Тетово пријавил оштетување на својот автомобил, по што полицискиот увид открил проектил од непознат калибар.
Како што информираат од СВР Тетово, на 1 јули Е.Д. (48) од гостиварското село Равен пријавил дека на улицата „Јане Сандански“ во Тетово забележал дупка на предната хауба од неговото паркирано возило „Рено Каптур“.
Полициска увидна екипа извршила увид на местото на настанот, при што под моторот, односно на заштитната маска на возилото, бил пронајден и подигнат проектил од непознат калибар.
Од СВР Тетово соопштуваат дека се преземаат мерки за целосно расчистување на случајот.
