Митовски: Светските медиуми известуваат за состојбата во Крива Паланка, а советниците од ВМРО-ДПМНЕ не поддржаа барање за помош

Состојбата во Крива Паланка во изминатите два дена привлече внимание на медиуми од најмалку 15 земји, а градоначалникот Сашко Митовски реагира дека, додека веста се шири низ светот, граѓаните и понатаму се соочуваат со последиците и ги бројат штетите.

— реклама —

Во својата објава, Митовски наведува дека за состојбата известувале „Еуроњуз“, „Африканјуз“, „Ал Џезира Балканс“, „Асошиејтед прес“, „Вашингтон пост“, ABC News, британскиот Channel 4 и бројни други медиуми од САД, Канада, Шпанија, Швајцарија, Перу, Парагвај, Малезија, Нов Зеланд и повеќе европски земји.

— реклама —

Тој посочува дека на седницата на Советот на Општина Крива Паланка бил предложен заклучок со кој Советот би побарал од Владата да прогласи кризна состојба и да обезбеди помош за граѓаните. Според Митовски, советниците од ВМРО-ДПМНЕ не го поддржале предлогот.

— реклама —

„Како ќе им објасните на луѓето што трпат штети зошто не го поддржавте барањето за помош? Кого штитите и чии интереси браните?“, прашува Митовски.

— реклама —

Тој повторно бара Владата да прогласи 30-дневна кризна состојба, а Агенцијата за храна и ветеринарство веднаш да постапи по донесените решенија, да започне организирано згрижување на добитокот и да се најде трајно решение за проблемот.