Надворешната канцеларија за криминалистички работи Берово поднесе кривична пријава против 21-годишниот И.В. од Пехчево, поради сомнение дека сторил кривично дело „оштетување и неовластено навлегување во компјутерски систем“.
Според Министерството за внатрешни работи, пријавениот наговорил малолетник да ја земе банкарската картичка од неговиот дедо, а потоа без знаење и согласност на сопственикот во седум наврати подигале пари од банкомат.
Со ваквите дејствија, на оштетениот му била причинета материјална штета во вкупен износ од 156.000 денари.
Против 21-годишникот е поднесена соодветна кривична пријава.
