Шпанската фудбалска федерација би можела да ја спречи можноста Лука Модриќ да стане помошник-тренер на Жозе Мурињо во Реал Мадрид, доколку португалскиот стратег седне на клупата на „кралскиот клуб“, пренесуваат шпанските медиуми.
Според информациите, хрватскиот фудбалер во моментов не ја поседува потребната тренерска лиценца пропишана со правилникот на Шпанската фудбалска федерација, што го оневозможува да извршува функција на помошник-тренер.
Договорот на Модриќ со Реал Мадрид истекува на 30 јуни, а во последните денови сè погласни се шпекулациите дека по Светското првенство би можел да стави крај на играчката кариера.
Иако се споменува можност за враќање во Реал Мадрид во друга улога, засега не постојат услови тој да биде дел од стручниот штаб на евентуалниот тренер, Жозе Мурињо.
Модриќ важи за една од најголемите легенди на Реал Мадрид и е рекордер по бројот на освоени трофеи со клубот – вкупно 28. Според шпанските медиуми, претседателот на клубот, Флорентино Перез, и понатаму има високо мислење за хрватскиот ас и би сакал повторно да го види на „Сантијаго Бернабеу“.
Засега Модриќ не ги коментирал своите планови за иднината.
