Локал во белградската населба Котеж бил запален рано утрово, а полицијата трага по лица осомничени дека предизвикале пожар со фрлање запаливо средство.
Според информации од очевидци, инцидентот се случил околу пет часот наутро, кога непознати сторители, наводно, фрлиле молотов коктел врз објектот, по што избувнал пожар. Сведоците тврдат дека напаѓачите пристигнале со мотор и веднаш по нападот избегале од местото на настанот.
Надлежните служби извршиле увид, а истрагата е во тек со цел да се утврдат околностите и идентитетот на сторителите.
