Морничава глетка на плажа на Паг: Ковчег исплива на брегот

Необична глетка ги вознемирила капачите на еден дел од хрватскиот остров Паг, откако покрај морето забележале – мртовечки ковчег. Фотографиите од призорот брзо се прошириле на социјалните мрежи, предизвикувајќи бројни реакции и прашања за тоа како предметот завршил на плажата.

— реклама —

Некои од корисниците биле згрозени од глетката, додека други во бизарната ситуација пронашле и доза хумор, па ковчегот го нарекле „единствената бесплатна лежалка на плажата“.

— реклама —

Сепак, мистеријата набрзо била разјаснета. Ковчегот всушност бил дел од реквизитите користени на годинашниот Пашки карневал.

Според традицијата, на крајот од карневалот се пали куклата „Марко“, која ги симболизира несреќите и проблемите од изминатата година. Во некои случаи, куклата се става во ковчег, кој потоа се запалува и се фрла во морето.

— реклама —

Се претпоставува дека силниот ветер и морските струи го однеле ковчегот подалеку од местото каде што бил фрлен, по што тој допливал до карпестиот брег кај плажата кај Прњица, во правец кон Катарелец.

— реклама —

Така, она што на прв поглед изгледало како морничава сцена, всушност било остаток од традиционалниот пашки карневал, кој поради морските струи завршил на сосема неочекувано место.