Тешки телесни повреди здобил 45-годишен мотоциклист од струшкото село Мислодежда во сообраќајна несреќа што се случила синоќа во Вевчани.
Како што информираат од Министерството за внатрешни работи, на 15 јуни во 20:05 часот во ОВР Струга било пријавено дека во Вевчани се случила сообраќајна несреќа во која учествувале мотоцикл „Јамаха“ со струшки регистарски ознаки, управуван од Б.Џ. (45) од селото Мислодежда, и патничко возило „Фолксваген голф“ со вевчански регистарски ознаки, зад чиј управувач бил И.М. (51) од Вевчани.
По судирот со автомобилот, мотоциклот удрил и во приколка од паркирано патничко возило „Ауди“ со вевчански регистарски ознаки, кое било паркирано од Т.Д. (51) од Вевчани.
Во несреќата, мотоциклистот се здобил со тешки телесни повреди, констатирани во Специјалната болница „Свети Еразмо“ во Охрид, каде што му била укажана лекарска помош.
Увид на местото на настанот извршила увидна екипа на ОВР Струга, а се работи на утврдување на сите околности и причините што довеле до сообраќајната несреќа.
