На 10 јуни 2026 година, во 18:35 часот, во ОВР Кратово било пријавено дека на магистралниот пат кај селото Страцин, на локалитетот познат како „Поповски рид“, се случила тешка сообраќајна несреќа во која е повреден 21-годишен мотоциклист од Куманово.
Според информациите од Министерството за внатрешни работи, М.Т. (21) од Куманово, управувајќи мотоцикл „хонда“ со кумановски регистарски ознаки, изгубил контрола над возилото, по што удрил во карпа покрај патот.
Во несреќата, мотоциклистот се здобил со тешки телесни повреди, кои биле констатирани во Ургентниот центар во Куманово, каде му била укажана лекарска помош.
Увид на местото на несреќата извршила увидна екипа од ОВР Кратово, а се преземаат мерки за утврдување на причините за сообраќајната незгода.
