Му дал 91.000 денари за реновирање на купатило, останал и без мајстор и без пари

Битолчанец пријавил во полиција дека бил измамен од лице кое се претставило како мајстор за поставување плочки и му земало 91.000 денари за набавка на материјали за реновирање на купатило.

— реклама —

Според информациите од СВР Битола, случајот бил пријавен на 1 јули во 13:50 часот. А.Д. (59) од Битола навел дека го ангажирал лицето за изведување работи во купатилото од неговиот стан и му ги предал парите за набавка на потребниот материјал.

— реклама —

— реклама —

До моментот на пријавувањето, лицето не ги започнало договорените работи и избегнувало каков било контакт со оштетениот, поради што тој сфатил дека е измамен.

— реклама —

Од СВР Битола информираат дека се преземаат мерки за целосно расчистување на случајот.