Му се скршил ножот додека ја убивал мајка си, па продолжил со ножици – Петар Станковски доби доживотен затвор

Основниот суд во Гевгелија донесе првостепена пресуда со која на 40-годишниот Петар Станковски од Богданци му е изречена доживотна казна затвор за убиството на неговата мајка.

— реклама —

Според обвинението, злосторството било извршено на 11 јануари годинава во стан во Богданци, каде што двајцата живееле како потстанари. По расправија поврзана со лекувањето на обвинетиот, во еден момент тој зел нож од кујната со кој ѝ нанел повеќе убоди на мајката во главата и вратот. Бидејќи ножот се скршил, зел ножици и со нив продолжил да ѝ задава убоди, па откако и тие се свиткале, од кујната зел друг нож за сечење зеленчук со шилест дел, со кој ја прободел во вратот. Од бројните убоди жената искрварела и починала. По настанот, самиот се пријавил во полиција.

— реклама —

— реклама —

Обвинителството го товареше Станковски за кривичното дело „убиство на свиреп начин при семејно насилство“, а пресудата е донесена откако тој пред судот целосно ја признал вината.

Од Основниот суд во Гевгелија информираа дека обвинетиот ќе остане во притвор до правосилноста на пресудата.