СВР Тетово поднесе кривична пријава против З.Ј. (33) од Гостивар поради постоење основи на сомнение за сторено кривично дело „измама“.
Според информациите од Министерството за внатрешни работи, во февруари 2026 година пријавениот довел во заблуда 29-годишен жител на гостиварско, уверувајќи го дека за паричен надомест од 2.330 евра ќе му помогне при царинењето на мотор што го донел од Швајцарија.
Откако оштетениот му ги предал парите, било утврдено дека станува збор за измама, по што случајот бил пријавен во полиција.
По преземените мерки и документирањето на случајот, против гостиварецот е поднесена кривична пријава.
