Муслиманските земји со остра порака: Израел го крши примирјето и го поткопува планот на Трамп за Газа

Министрите за надворешни работи на неколку муслимански земји упатија остра осуда за израелските воени операции во Појасот Газа, обвинувајќи го Израел дека го крши примирјето и ги поткопува меѓународните напори за ставање крај на конфликтот.

— реклама —

Во заедничкото соопштение, министрите од Турција, Саудиска Арабија, Обединетите Арапски Емирати, Катар, Египет, Пакистан, Индонезија и Јордан ги осудија нападите врз здравствени установи, медицинска и цивилна инфраструктура, како и продолженото страдање на цивилното население, пренесува „Ројтерс“.

— реклама —

Потписниците наведуваат дека постапките на Израел претставуваат кршење на меѓународното право и на сеопфатниот план за завршување на конфликтот во Газа, а воедно го поткопуваат и планот на американскиот претседател Доналд Трамп за постигнување траен мир.

— реклама —

Во соопштението се предупредува дека израелската политика во Појасот Газа може да го загрози политичкиот процес, повторно да ја поттикне ескалацијата и дополнително да ја влоши хуманитарната криза во палестинската енклава.

— реклама —

Од друга страна, Израел соопшти дека нема да започне со повлекување на своите сили од Појасот Газа сѐ додека не биде постигнат значителен напредок во разоружувањето на палестинската милитантна група Хамас.