МВР апелира: Граѓаните навреме да ги подигнат готовите лични документи

Министерството за внатрешни работи апелираше до граѓаните навремено да ги подигнат своите готови лични документи, со цел да се избегнат гужви во пресрет на летниот период.

— реклама —

Од МВР информираат дека управните служби моментално работат со зголемена ефикасност и ажурност, благодарение на реорганизацијата и зголемените капацитети.

— реклама —

„Процесот е целосно оптимизиран и овозможува брзо и едноставно закажување термини за фотографирање, минимално време на чекање и експресно изготвување на документите“, велат од МВР.

Оттаму посочуваат дека во периодот пред годишните одмори традиционално се зголемува бројот на граѓани во управните служби, особено поради доаѓањето на иселениците од дијаспората.

— реклама —

МВР ги повика граѓаните да ја проверат важноста на своите документи и, доколку веќе се фотографирале, што поскоро да ги подигнат готовите документи.

„Навремената реакција е во интерес на сите нас“, порачуваат од Министерството за внатрешни работи.