Во текот на изминатото деноноќие, полициски службеници лишиле од слобода вкупно 10 лица во Скопје, Штип и Кавадарци, откако при преглед кај нив биле пронајдени наркотични средства.
Од Министерството за внатрешни работи информираат дека на различни локации во Скопје биле приведени А.С. (25), Х.А. (18), Ј.И. (29) и М.Л. (21), сите од Скопје, А.С. (32) од село Трубарево, Б.Д. (47) од село Инџиково, 17-годишник од скопско и С.А. (53) од кривопаланечко. При преглед кај нив биле пронајдени и одземени марихуана, бела грутчеста материја и дробилка.
Во Штип, на улицата „Борис Кидрич“, полициски службеници на 29 јуни околу 00:30 часот го лишиле од слобода А.Н. (36) од Сопиште, скопско, кај кого била пронајдена прашкаста материја.
Во Кавадарци, пак, на 28 јуни околу 22:00 часот, полициски службеници го привеле Б.С. (47) од Кавадарци, кој бил затекнат како користи марихуана на јавно место.
По целосното документирање на случаите, против сите лица ќе бидат поднесени соодветни поднесоци.
