МВР приведе 12 возачи за безобѕирно управување, седум возеле без возачка дозвола

Дванаесет возачи биле лишени од слобода во изминатото деноноќие на различни локации во Македонија поради сомнение за кривично дело „безобѕирно управување со моторно возило“, соопшти Министерството за внатрешни работи.

— реклама —

Од нив, седум управувале возила без положен возачки испит. Тројца биле затекнати зад воланот и покрај активна забрана за управување, додека двајца возеле под дејство на алкохол.

— реклама —

Меѓу приведените е и 32-годишен жител на Доброште, кој под дејство на алкохол возел во спротивна насока на патот Гостивар–Тетово.

— реклама —

Од МВР информираат дека по целосното документирање на случаите ќе бидат поднесени соодветни кривични пријави.

Од полицијата апелираат до сите учесници во сообраќајот да ги почитуваат правилата и прописите, да не управуваат возило без положен возачки испит, со активна забрана или под дејство на алкохол.