Во текот на изминатото деноноќие, полициските службеници на територијата на целата држава лишиле од слобода 13 возачи поради безобѕирно управување со моторни возила.
Според информациите од Министерството за внатрешни работи, најголемиот дел од приведените, односно 11 лица, управувале возила без да поседуваат возачка дозвола. Еден возач бил затекнат под дејство на алкохол, додека едно лице управувало возило со брзина поголема од дозволената.
Во Скопје биле приведени две лица, од кои едното возело без возачка дозвола, а другото под дејство на алкохол.
Пет лица биле лишени од слобода во Прилеп и прилепско, а по едно лице во Гостивар, Кочани, Неготино, Кавадарци и Кичево, поради управување возило без возачка дозвола. Во Гевгелија, пак, било приведено едно лице поради управување со брзина значително поголема од дозволената.
Од МВР информираат дека по целосно документирање на случаите против лицата ќе бидат поднесени соодветни кривични пријави.
Воедно, Министерството апелира до сите учесници во сообраќајот да ги почитуваат сообраќајните правила и прописи и да не управуваат возила без положен возачки испит, под дејство на алкохол или во период кога им е изречена забрана за управување, со цел зголемување на безбедноста на патиштата.
