МВР приведе 20 возачи за безобѕирно возење: Малолетник и пијани возачи меѓу приведените

Во текот на изминатото деноноќие, полициските службеници на територијата на целата држава лишиле од слобода 20 возачи поради безобѕирно управување со моторни возила.

— реклама —

Како што информира Министерството за внатрешни работи, од вкупно приведените, 16 лица управувале возило без возачка дозвола, меѓу кои и еден малолетник, додека четворица возачи биле затекнати како управуваат под дејство на алкохол.

— реклама —

Во Скопје биле приведени пет лица кои управувале возило без возачка дозвола, при што едно од нив било и под дејство на алкохол. Во Кочани биле лишени од слобода три лица, меѓу кои и еден малолетник, а по две лица биле приведени во Гостивар. По едно лице без возачка дозвола било затекнато во општина Кривогаштани, Градско, Кичево, Тетово, Штип и Прилеп.

Воедно, по едно лице во Прилеп, Виница, Куманово и Македонски Брод било лишено од слобода поради управување возило под дејство на алкохол.

— реклама —

По целосното документирање на случаите, против сите сторители ќе бидат поднесени соодветни кривични пријави.

— реклама —

Од МВР апелираат до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит, со изречена забрана за управување или под дејство на алкохол, со цел заеднички да се придонесе за поголема безбедност во сообраќајот.