МВР приведе 52-годишник од гостиварско, ќе издржува затворска казна

Полициски службеници од Полициското одделение Галате го привеле 52-годишниот В.А. од село Неготино, гостиварско, кој бил баран со судска наредба за издржување затворска казна.

Како што соопшти МВР, приведувањето било извршено на 18 мај околу 21:10 часот во селото Неготино.

— реклама —

„Тој бил баран со наредба од Основен суд Гостивар за издржување на затворска казна во траење од една година и шест месеци“, велат од МВР.

— реклама —

Според полицијата, лицето е осудено за кривично дело „неовластено производство и пуштање во промет на наркотични дроги, психотропни супстанци и прекурзори“, казниво по член 215 од Кривичниот законик.

— реклама —

„Тој е спроведен во Казнено-поправната установа Затвор Идризово за издржување на казната“, информираат од МВР.