Во текот на изминатото деноноќие, полициски службеници на повеќе локации низ државата лишиле од слобода девет лица, откако кај нив биле пронајдени наркотични средства и други недозволени предмети.
Како што информира Министерството за внатрешни работи, во Скопје биле приведени Д.Г. (29), В.Б. (30), 16-годишник од Скопско и С.А. (25) од Турција со престој во Скопје, откако кај нив биле пронајдени бела грутчеста материја, марихуана и нож.
Во Казнено-поправната установа Затвор Идризово, при претрес на осуденикот М.А. (53) од Скопје, кој се вратил од викенд-отсуство, биле пронајдени бела прашкаста материја и таблети.
На граничниот премин Табановце, при влез во државата, бил приведен Р.Ф. (26) од Германија, откако при преглед на неговиот багаж во возило со германски регистарски ознаки била пронајдена марихуана.
Во Кавадарци, полицијата ги лишила од слобода С.М. (44) и К.Ч. (44), двајцата од Кавадарци, откако при контрола на патничко возило кај С.М. биле пронајдени бела прашкаста материја и марихуана.
Во Неготино бил приведен 17-годишник, кај кого при преглед била пронајдена марихуана.
Во Тетово, пак, бил лишен од слобода Б.Ш. (23) од село Лешок, откако при преглед на неговото возило биле пронајдени марихуана, дробилка, бејзбол палка и метален боксирач.
Од МВР соопштија дека по целосното документирање на сите случаи ќе бидат поднесени соодветни поднесоци.
