МВР приведе осум безобѕирни возачи: Седум без дозвола, еден возел и покрај забрана

Полициски службеници во текот на изминатото деноноќие лишиле од слобода осум возачи поради безобѕирно управување со моторни возила, информира Министерството за внатрешни работи.

— реклама —

Според МВР, седум од приведените управувале возила без да поседуваат возачка дозвола, додека едно лице возело и покрај тоа што имало активна забрана за управување.

— реклама —

Тројца од возачите биле затекнати на подрачјето на Скопје, а по едно лице било приведено во Кичево, Тетово, Кавадарци и Кочани. Во Кичево, пак, бил лишен од слобода и возач кој управувал возило и покрај изречената мерка за забрана.

— реклама —

Од МВР информираат дека по целосното документирање на случаите ќе бидат поднесени соодветни кривични пријави.

— реклама —

Оттаму апелираат до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит, доколку имаат изречена забрана за управување или се под дејство на алкохол, со цел сите заеднички да придонесат за побезбеден сообраќај.