МВР со акција низ државата: Осум возачи приведени за безобѕирно управување возило

Осум возачи биле лишени од слобода во изминатото деноноќие на различни локации низ државата поради сомнение за сторено кривично дело „безобѕирно управување возило“, соопшти Министерството за внатрешни работи.

— реклама —

Од приведените, тројца управувале возило без положен возачки испит. Станува збор за Е.Л. (21), Д.С. (53) и Н.И. (24), сите од Скопје.

— реклама —

Четворица возачи биле затекнати како управуваат патнички возила под дејство на алкохол. Тоа се А.С. (28) и И.Б. (61) од Скопје, Ј.К. (36) од Крива Паланка и И.Ј. (54) од селото Клечовце, кумановско.

Полицијата го лишила од слобода и Џ.М. (45) од селото Калково, валандовско, кој управувал возило и покрај тоа што имал активна забрана за управување со моторно возило.

— реклама —

Од МВР информираат дека по целосното документирање на случаите ќе бидат поднесени соодветни кривични пријави.

Министерството упати апел до сите учесници во сообраќајот да ги почитуваат правилата и прописите, да не управуваат возило без положен возачки испит, со изречена забрана или под дејство на алкохол, со цел заеднички да придонесат за поголема безбедност на патиштата.