МВР со нова акција против дрога: Петмина завршија во полициска станица

Пет лица биле лишени од слобода во Битола, Прилеп и Скопје во текот на изминатото деноноќие, откако кај нив била пронајдена дрога, информира Министерството за внатрешни работи.

— реклама —

Во Битола, на улицата „Филип Втори Македонски“, полициски службеници го привеле П.П. (44) од Битола, кај кого била пронајдена и одземена марихуана.

— реклама —

Во Прилеп, на улицата „Прилепски бранители“, бил приведен Д.К. (36) од Прилеп, откако кај него биле пронајдени грутчеста и прашкаста материја.

— реклама —

Во Скопје, пак, на различни локации, полициски службеници ги лишиле од слобода Р.М. (28), В.С. (32), двајцата од Скопје, како и А.Ѓ. (24) од Кривопаланечко. Кај нив биле пронајдени и одземени бела прашкаста материја, марихуана и нож.

— реклама —

Од МВР информираат дека по целосно документирање на случаите, против приведените лица ќе бидат поднесени соодветни поднесоци.