МВР за шест часа казни 628 возачи за пребрзо возење низ цела Македонија

Во засилена сообраќајна контрола спроведена низ цела Македонија, МВР констатирало 628 прекршоци за надминување на дозволената брзина.

— реклама —

Контролата била спроведена на 4 октомври, во периодот од 14 до 20 часот, од страна на Секторот за сообраќајни работи при Министерството за внатрешни работи.

— реклама —

Од вкупниот број прекршоци, 344 биле констатирани кај возачи кои ја надминале дозволената брзина надвор од населено место, додека 284 прекршоци се однесувале на возачи кои возеле побрзо од дозволеното во населено место.

За сите утврдени прекршоци биле преземени соодветни мерки и изречени санкции согласно со законските прописи.

— реклама —

Во текот на контролата биле констатирани и 66 други сообраќајни прекршоци.

МВР најавува дека продолжува со засилените сообраќајни контроли на целата територија на државата, со цел зголемување на безбедноста на сите учесници во сообраќајот и намалување на ризиците поврзани со непочитувањето на ограничувањата на брзината.