Полициски службеници на Граничниот премин Табановце привеле 33-годишен жител на Тетово, откако при гранична контрола било утврдено дека автомобилот што го управувал бил пријавен како украден во Германија.
Како што информираат од Министерството за внатрешни работи, на 28 јуни во 01:15 часот, на излез од државата, бил лишен од слобода Ф.А. (33) од Тетово.
При контролата било констатирано дека возилото „ауди А8“, кое го управувал, е предмет на потрага од Интерпол Германија, односно било пријавено за украдено.
Возилото е одземено, а по целосно документирање на случајот ќе биде поднесен соодветен поднесок.
