Премиерот Христијан Мицкоски денеска, на отворањето на реконструираната терминална зграда на Охридскиот аеродром „Свети Апостол Павле“, оцени дека станува збор за значаен исчекор во подобрувањето на квалитетот на услугите што ги нудат македонските аеродроми.
Мицкоски посочи дека со реконструкцијата Охридскиот аеродром добива поинаква динамика, квалитет и изглед, изразувајќи уверување дека во периодот што следува ќе се зголемуваат и бројот на патници и бројот на авиокомпании што ќе ги користат неговите услуги.
Тој нагласи дека Владата ќе продолжи да ја поддржува оваа активност, со цел дополнително да се зголеми бројот на патници и авиокомпании, оценувајќи дека Охридскиот аеродром е значајна алка за развојот на целиот регион, но и на македонската економија.
Според Мицкоски, поголемиот број туристи и зголемениот туристички потенцијал ќе имаат директно влијание врз развојот на Охрид, Струга и останатите општини во близина на аеродромот.
Премиерот посочи и дека годинава Охридскиот аеродром бележи рекордни резултати. Како што рече, имало ден со повеќе од 3.000 патници, што е најголем број патници во еден ден во историјата на аеродромот, како и ден со повеќе од 20 полетувања.
„Јас сум убеден дека во периодот којшто претстои со овие градежни активности и поддршката којашто ја даваме како Влада, овие бројки ќе се дуплираат, ќе се триплираат и ќе дојдеме до оние бројки коишто претставуваат наш нов таргет“, изјави Мицкоски.
Тој додаде дека целите поставени пред речиси две децении одамна се надминати и дека сега се поставуваат нови таргети за развојот на македонските аеродроми.
Мицкоски истакна дека Владата ќе продолжи да инвестира во инфраструктурата со цел Македонија да се позиционира како крстосница во регионот, што, според него, претставува значајна стратешка предност.
Премиерот се осврна и на состојбите во земјата, при што призна дека сè уште постојат бројни проблеми што треба да се решат, но изрази уверување дека Македонија денес е подобро место за живеење отколку пред три години.
„Јас знам дека имаме сè уште многу проблеми за решавање. Знам дека можеби сè уште не се живее онака како што посакуваме да се живее, но исто така сум убеден дека со сите овие инвестиции коишто ги прави македонската Влада, со сите овие активности коишто ги правиме како Влада, денеска Македонија е многу подобро место за живеење од тоа што беше пред три години“, рече Мицкоски.
Тој додаде дека очекува за три години Македонија да биде уште подобро место за живеење, посочувајќи ја мотивираноста на Владата и поддршката од граѓаните како основа за продолжување на работата.
По 56 години, Охридскиот аеродром доби нова терминална зграда: „Отворивме практично нов аеродром“, вели Николоски
Вицепремиерот и министер за транспорт, Александар Николоски, изјави дека со завршувањето на реконструкцијата на терминалната зграда и помошните простории, Охридскиот аеродром добива значително подобри услови и подобро искуство за патниците.„Навистина сум пресреќен што денеска, после напорна работа, успеваме да отвориме практично нов аеродром, односно успеваме да отвориме една терминална зграда заедно со помошни простории коишто значат многу, многу подобро искуство за патниците споредено со претх
Македонија | пред 2 часа
