Над 70 лекари заразени со ебола во Конго, 17 починале

Најмалку 75 лекари во Демократска Република Конго се заразиле со ебола од почетокот на актуелната епидемија, а 17 од нив починале, соопшти висока претставничка на Светската здравствена организација.

— реклама —

Мари Розелин Белизер, говорејќи преку видеоврска од Демократска Република Конго, изјави дека здравствените работници се меѓу најпогодените категории во борбата со опасниот вирус.

— реклама —

Според најновите податоци, во земјата се регистрирани повеќе од 800 случаи на заболени од редок вид на вирусот ебола, за кој засега не постои вакцина. Од почетокот на епидемијата починале 192 лица.

— реклама —

Координаторот на операциите на Меѓународната федерација на Црвениот крст и Црвената полумесечина, Бруно Мишон, предупреди дека епидемијата на истокот од земјата сè уште не го достигнала својот врв и би можела да трае до една година.

Здравствените власти и меѓународните организации продолжуваат со напорите за ограничување на ширењето на вирусот и заштита на медицинскиот персонал, кој се наоѓа на првата линија во справувањето со кризата.