Над половина од населението во ЕУ е со прекумерна тежина: Мажите почесто имаат прекумерна тежина од жените

Повеќе од половина од полнолетните жители на Европската Унија во 2025 година имале прекумерна тежина, покажуваат податоците на Евростат. Од нив, 16,3 отсто биле со индекс на телесна маса од 30 или повеќе, што се класифицира како дебелина.

— реклама —

Дополнителни 35,4 отсто од населението имале индекс на телесна маса меѓу 25 и 30, што значи дека вкупно повеќе од половина од возрасните во ЕУ биле со прекумерна тежина.

Податоците покажуваат и разлика меѓу мажите и жените. Дебелината била регистрирана кај 17,4 отсто од мажите, во споредба со 15,3 отсто од жените. Кај прекумерната тежина разликата е уште поизразена – 41,9 отсто од мажите биле со прекумерна тежина, наспроти 29,3 отсто од жените.

— реклама —

Највисока стапка на дебелина меѓу земјите членки е регистрирана во Малта, каде што повеќе од една четвртина од возрасното население е дебело. Следуваат Литванија со 24,6 отсто и Финска со 23,2 отсто.

— реклама —

На спротивниот крај се Италија со 7 отсто, Грција со 12,8 отсто и Романија со 12,9 отсто, кои имаат најниски стапки на дебелина меѓу земјите опфатени со податоците.

За Македонија, последните податоци објавени од Евростат се однесуваат на 2022 година. Тогаш 15,4 отсто од граѓаните биле дебели, според индексот на телесна маса.

Податоците го покажуваат обемот на проблемот со прекумерната тежина во Европа, кој во последните години е едно од значајните прашања поврзани со јавното здравје.