Професорката Мирјана Најчевска објави на социјалните мрежи дека на 7 јули до Комисијата за спречување и заштита од дискриминација поднела пријава против Петар Богојески за, како што наведува, расна дискриминација и дискриминација врз основа на пол во негови објави на Фејсбук.
Според Најчевска, до денес не добила ниту потврда дека пријавата е примена.
„Можеби треба да напишам дека го крши Охридскиот рамковен договор и тогаш веднаш ќе добијам реакција? Или кога ќе замине ДПМНЕ од власт?“, напиша таа.
Таа ја критикува работата на Комисијата, оценувајќи дека институцијата не реагира кога станува збор за лица блиски до власта.
„Кога ќе си направиш комисија по мерка на власта, нема проблеми за никој кој е близок до таа власт“, наведува Најчевска.
