Пратеникот од ДУИ, Блерим Беџети, смета дека секојдневните расправии за бугарските пасоши се прават исклучиво на штета на Албанците. Според него, ограничувањето на двојното државјанство ги спречува успешните кадри од дијаспората да придонесат за Македонија.
Професорката Мирјана Најчевска реагираше на изјавите на Беџети оценувајќи дека загрижува отсуството на различни ставови и критичко размислување во дел од јавниот дискурс. Таа прашува дали постои поинакво мислење меѓу албанската заедница и предупредува дека општество без спротивставени ставови тешко може да се смета за демократски зрело.
„А има некое поинакво мислење од ова искажано веќе од неколку пратеници и функционери од албанската заедница, од некој интелектуалец етнички Албанец од Македонија?
Макар и случајно?
Заедница во која нема спротиставени мислења и критичко размислување е заедница која уште не навлегла во водите на демократијата“, вели Најчевска.
