Најмалку 11 загинати и 19 повредени во пожар во дом за згрижување во Алжир

Единаесет лица загинаа, а 19 се повредени во пожар што избувнал во текот на ноќта во дом за згрижување во главниот град на Алжир.

— реклама —

Според информациите од алжирската цивилна заштита, пожарникарите започнале со интервенција околу 3:30 часот по локално време, а гаснењето на огнената стихија траело повеќе од три часа.

Во акцијата биле ангажирани десет противпожарни возила и 16 возила на итната медицинска помош. За време на интервенцијата, пет лица со попреченост биле евакуирани и префрлени на безбедно место.

— реклама —

Алжирскиот премиер Сифи Гриб ги посети болниците во кои се згрижени повредените, а државните медиуми објавија фотографии од неговата посета.

— реклама —

Властите засега не соопштија податоци за возраста на загинатите и повредените.

Трагедијата се случува во период кога Алжир е зафатен од силен топлотен бран. Според агенцијата АФП, во земјата во изминатата седмица биле регистрирани речиси 1.000 пожари.