Најмалку 25 лица загинаа, а 44 се повредени откако патнички автобус излета од патот, се преврте и падна во провалија во Алжир, објави „Ле соар д’Алжир“.
Несреќата се случила на националниот пат број 24 во покраината Бумердес. Според информациите, автобусот сообраќал од покраината Сетиф кога, од засега непознати причини, излетал од коловозот.
На местото на несреќата биле испратени две спасувачки возила и 11 амбулантни возила, а спасувачките екипи продолжуваат со извлекување на жртвите и транспорт на повредените во болниците.
Надлежните соопштија дека спасувачката операција сè уште трае, поради што бројот на загинати и повредени може дополнително да се зголеми.
