Утрово најниската температура во државата е измерена во Берово, каде што термометрите покажаа -5 степени Целзиусови. Негативни температури се измерени и во Скопје – Петровец, Битола, Струмица и Маврови Анови со -2 степени, додека во Крива Паланка, Велес, Демир Капија и Тетово се измерени -1 степен.
Температура од 0 степени е регистрирана во Гевгелија, Штип, Куманово, Прилеп, Претор и на Попова Шапка, додека 1 степен е измерен во Скопје – Зајчев Рид, Кавадарци и Охрид. Во Крушево утрово се измерени 2 степени, а во Виница 3 степени.
Според податоците, снежна покривка има само на Попова Шапка, каде што се измерени 60 сантиметри снег.
Времето денеска ќе биде сончево и релативно топло со мала локална облачност. Ќе дува слаб до умерен ветер од променлив правец. Максималната температура ќе се движи во интервал од 15 до 21 степен.
Во Скопје времето ќе биде сончево и релативно топло со слаб ветер од променлив правец, а максималната температура ќе достигне до 20 степени.
