Наместо во полиција за да пријави злоупотреба на лични податоци, ја однел на друга локација

СВР Тетово информира дека на 12 мај во 13 часот, 27-годишна жена од Тетово пријавила дека претходниот ден околу 18 часот била доведена во ситуација со закани и обид за одземање мобилен телефон.

— реклама —

Според пријавата, жената била повикана од лицето Х.Е. да се сретнат со цел, наводно, заедно да пријават злоупотреба на лични податоци и отворање лажен профил на социјална мрежа во полиција.

— реклама —

Како што навела, кога влегла во возилото што го управувала Х.Е., забележала машко лице на задното седиште.

Наместо кон полициска станица, возилото се упатило во друг правец, при што, според пријавеното, ѝ биле упатувани закани и бил направен обид да ѝ се одземе мобилниот телефон поради сомнеж дека таа стои зад лажниот профил на социјалните мрежи.

— реклама —

По одреден период, жената била вратена во Тетово.

Од полицијата велат дека се преземаат мерки за расчистување на случајот.