Педесет и четиригодишен жител на Гостивар е приведен откако бил пријавен дека физички нападнал две лица во казино во градот, при што употребил метален предмет и спреј за очи.
Од СВР Тетово информираат дека на 18 јуни околу 22 часот, полициски службеници од ОВР Гостивар го лишиле од слобода М.Р. (54) од Гостивар, постапувајќи по претходна пријава од И.И. (60) од Гостивар.
Според пријавеното, инцидентот се случил околу 21 часот во казино на улицата „Илинденска“, каде осомничениот физички го нападнал пријавителот и неговиот син, при што употребил и метален предмет и спреј за очи.
Лицето е задржано во полициска станица, а по целосно документирање на случајот против него ќе биде поднесен соодветен поднесок.
