Нападнале 36 годишен маж па му го украле телефонот - приведени две лица во Струмица

Секторот за внатрешни работи Струмица поднесе кривична пријава до Основното јавно обвинителство Струмица против две лица од Струмица, поради сомнение за сторени кривични дела „разбојништво“ и „прикривање“.

— реклама —

Првопријавениот С.Х. (27) се сомничи дека на 21 април 2026 година околу 18 часот, на улицата „Маршал Тито“ во Струмица, физички нападнал 36-годишен жител од село Мокрино, при што му одзел мобилен телефон и избегал.

— реклама —

— реклама —

Второпријавениот А.Х. (25) се товари за кривично дело „прикривање“, откако украдениот мобилен телефон бил пронајден кај него.

— реклама —

Од МВР информираат дека телефонот е одземен и вратен на сопственикот, а по целосно документирање на случајот, против осомничените е поднесена соодветна кривична пријава.