Нападнат брод со украинска пченица во Црното Море, има загинат и тројца повредени

Едно лице загина, а тројца се повредени во напад врз трговски брод под знамето на Гвинеја-Бисау, кој превезувал украинска пченица во водите на Црното Море, соопштија украинските власти.

— реклама —

Гувернерот на Одеската област, Олег Кипер, информираше дека бродот е оштетен, а членовите на екипажот биле евакуирани на брегот.

— реклама —

„Непријателот продолжува со напади врз цивилни бродови во водите на Црното Море. За жал, едно лице загина, а уште три се повредени“, напиша Кипер на Телеграм.

— реклама —

Тој наведе дека станува збор за трговски брод под знамето на Гвинеја-Бисау, кој превезувал украинска пченица.

— реклама —

Кипер оцени дека ваквите напади, според него, ја покажуваат „систематичноста и цинизмот на рускиот терор“ и претставуваат закана за животите на цивилите, како и за глобалната безбедност на снабдувањето со храна.