Направил штета на музејски експонат од 1917 година, заработи кривична

Надворешната канцеларија за криминалистички работи Кичево поднесе кривична пријава против А.Л. (36) од селото Пласница, општина Македонски Брод, поради сомнение за сторено кривично дело „оштетување или уништување на добра под привремена заштита или културно наследство или природни реткости“.

— реклама —

— реклама —

Според информациите од Министерството за внатрешни работи, на 11 ноември 2025 година на булеварот „Ослободување“ во Кичево, пријавениот бил затекнат како оштетува прозорец на еден од вагоните на возот „Ќиро“.

— реклама —

— реклама —

Станува збор за историски предмет кој е заведен во музејската евиденција и потекнува од 1917 година. По документирањето на случајот, против осомничениот е поднесена соодветна кривична пријава.