Народната банка презеде контрола врз Алта банка во Битола: Граѓаните ќе можат да користат само 10.000 денари неделно

Народната банка воведе привремена администрација во Алта банка АД Битола, а за физичките лица е определен неделен лимит од 10.000 денари за одлив од нивните сметки преку банкарските картички. Одлуката стапи во сила денеска, 1 ноември 2026 година, соопшти гувернерот Трајко Славески. Мерката може да трае најмногу 30 дена.

Мерката следува по јавно објавените информации за одземањето на дозволата за работа на Алта банка АД Белград и донесувањето одлука за исполнување на условите за поведување стечајна постапка во српската банка, која е акционер со квалификувано учество во Алта банка АД Битола. Славески рече дека веќе има заинтересирани купувачи на акциите од српската банка која е во стечајна постапка.

„Во насока на заштита на билансот на Алта банка АД Битола и на интересите на нејзините штедачи, Извршниот одбор на Народната банка, на седницата одржана на 1 ноември 2026 година, донесе решение со коешто се воведува администрација во Алта банка АД Битола. Решението е веќе во сила“, соопшти Славески.

— реклама —

Тој нагласи дека мерката е привремена и дека не е воведена поради нарушена финансиска состојба на банката во Битола, туку поради случувањата поврзани со нејзиниот акционер во Белград.

Според гувернерот, Алта банка АД Битола е високо капитализирана, ликвидна, има солиден квалитет на кредитното портфолио и ги исполнува сите супервизорски стандарди.

Со воведувањето на администрацијата, управувањето со имотот на банката привремено преминува во надлежност на лица именувани од Народната банка, во рамките на овластувањата определени од нејзиниот Извршен одбор.

— реклама —

За клиентите, најзначајната промена се ограничувањата на плаќањата што ќе важат во наредните денови.

„Во интерес на граѓаните, а со цел извршување на секојдневните плаќања, определен е неделен лимит за одлив од сметките на физичките лица во износ од 10.000 денари, којшто може да се користи со картичките издадени од банката“, изјави Славески.

Народната банка не ги прецизираше сите категории плаќања што ќе бидат опфатени со привремените ограничувања, ниту точниот датум до кој тие ќе важат. Рекоа само дека мерката може најмногу да трае три месеци, според актуелно донесената одлука.

— реклама —

Славески посебно нагласи дека клиентите кои имаат кредити во Алта банка треба да продолжат редовно и навремено да ги исполнуваат своите обврски. Воведувањето привремена администрација не значи прекин на обврската за отплата на кредитите.

Гувернерот уверува дека мерките се преземени за заштита на имотот на банката и интересите на штедачите, а Народната банка ќе продолжи да ја следи состојбата и да постапува во рамките на законските надлежности.

Воедно, упати апел до учесниците во јавната дебата да се воздржат од изјави што би можеле да предизвикаат непотребна загриженост кај граѓаните, оценувајќи дека ширењето паника може директно да им наштети на штедачите.

ПОВЕЌЕ:

Од Алта банка биле повлечени два милиони евра за еден ден, ограничувањата за трошење на пари може да трае до три месеци

Околу два милиони евра биле повлечени во готовина и преку други трансфери од Алта банка АД Битола до крајот на вчерашниот ден, откри гувернерот на Народната банка, Трајко Славески, објаснувајќи ги причините за воведувањето привремена администрација и ограничувањето на одливот на средства од сметките на граѓаните.Според Славески, информацијата за повлечените средства ја добиле од Управниот одбор на банката на средба одржана денеска во 14:10 часот, откако Извршниот одбор на Народната банка ги доне

Македонија | пред 55 минути