Од Алта банка биле повлечени два милиони евра за еден ден, ограничувањата за трошење на пари може да трае до три месеци

Околу два милиони евра биле повлечени во готовина и преку други трансфери од Алта банка АД Битола до крајот на вчерашниот ден, откри гувернерот на Народната банка, Трајко Славески, објаснувајќи ги причините за воведувањето привремена администрација и ограничувањето на одливот на средства од сметките на граѓаните.

Според Славески, информацијата за повлечените средства ја добиле од Управниот одбор на банката на средба одржана денеска во 14:10 часот, откако Извршниот одбор на Народната банка ги донел решенијата за привремените мерки.

„Тие потврдија дека до вчерашниот ден, заклучно со вчерашниот ден, биле во готовина и други трансфери подигнати околу 2.000.000 евра од банката“, изјави Славески.

— реклама —

Тој објасни дека поради зголеменото повлекување средства, картичките на банката биле привремено блокирани од страна на процесорот за картички, но дека услугата била повторно овозможена денеска околу 12 часот.

Народната банка одлучи граѓаните да можат да користат до 10.000 денари неделно преку платежните картички издадени од Алта банка. Славески рече дека при определувањето на лимитот се воделе од проценката за секојдневните потреби на клиентите, посочувајќи дека просечната плата и пензија во комбинација изнесуваат околу 40.000 денари месечно.

Гувернерот соопшти и дека максималното времетраење на привремените мерки, според донесената одлука, е три месеци, но очекува состојбата да се разреши порано.

— реклама —

Како една од можностите за надминување на состојбата ја посочи продажбата на акциите што ги поседува Алта банка АД Белград, за која е најавена стечајна постапка.

„Иако тоа е неофицијална информација, има повеќе заинтересирани купувачи“, изјави Славески.

Тој објасни дека акционерот од Белград ќе го задржи правото на сопственост, но дека согласно законската постапка ќе треба да ги понуди акциите на продажба. Доколку тоа не биде направено во предвидениот рок, постапката ќе ја спроведе Народната банка.

Славески нагласи дека привремената администрација не значи одземање на дозволата за работа на Алта банка АД Битола.

— реклама —

„Банката продолжува со работа без некои поголеми последици“, рече гувернерот, додавајќи дека мерките се преземени за заштита на имотот на банката и интересите на штедачите.

Тој најави дека мобилното и електронското банкарство, кои во моментот не се достапни за клиентите, се очекува повторно да бидат овозможени во некој од наредните денови.

Во меѓувреме, клиентите ќе можат да располагаат со средствата во рамките на утврдените ограничувања, додека интерните трансфери меѓу сметките во самата банка остануваат дозволени без ограничување на износот.

ПОВЕЌЕ:

Народната банка презеде контрола врз Алта банка во Битола: Граѓаните ќе можат да користат само 10.000 денари неделно

Народната банка воведе привремена администрација во Алта банка АД Битола, а за физичките лица е определен неделен лимит од 10.000 денари за одлив од нивните сметки преку банкарските картички. Одлуката стапи во сила денеска, 1 ноември 2026 година, соопшти гувернерот Трајко Славески. Мерката може да трае најмногу 30 дена.Мерката следува по јавно објавените информации за одземањето на дозволата за работа на Алта банка АД Белград и донесувањето одлука за исполнување на условите за поведување стечајн

Македонија | пред 1 час