Романското Министерство за национална одбрана соопшти дека во раните утрински часови во неделата е соборен дрон кој неовластено влегол во воздушниот простор на земјата од правец на Молдавија.
Според соопштението, системите за надзор го регистрирале леталото во 4:44 часот, на околу 24 километри северно од Галац. По неговото откривање, биле подигнати авиони од шпанските воздухопловни сили, кои се распоредени во Романија во рамките на мисијата за воздушно патролирање.
Еден од авионите Ф-18, кој бил во борбено дежурство од 57. воздухопловна база „Михаил Когалничеану“, го соборил дронот.
Како можна локација на падот на остатоците од леталото било идентификурано ненаселено подрачје меѓу населените места Балени и Кудалби, во округот Галац. Според надлежните, во инцидентот нема информации за загрозени цивили.
Воздушната тревога за округот Галац била прекината во 5:20 часот.
