НАТО и САД во преговори за Гренланд

Генералниот секретар на НАТО, Марк Руте, изјави дека се водат разговори со САД, Данска и Гренланд за иднината на островот, нагласувајќи дека Алијансата е усогласена со претседателот Доналд Трамп околу безбедноста на Арктикот.

— реклама —

По средбата со Трамп во Белата куќа, Руте истакна дека разговорите се фокусирани на идниот статус на Гренланд и ограничување на влијанието на Русија и Кина во регионот. Според него, постои сериозен ризик од зголемено присуство на овие сили на Арктикот, поради што НАТО мора да ја засили својата улога.

— реклама —

Во таа насока, беше спомената и иницијативата „Арктички стражар“, чија цел е подобра координација меѓу сојузниците и зајакнување на одбраната во регионот.

— реклама —

Изјавите доаѓаат во момент кога Ларс Локе Расмусен порача дека Трамп не се откажува од амбициите поврзани со Гренланд. Американскиот претседател повторно ги критикуваше сојузниците во НАТО и најави можни потези поврзани со островот, кој е под суверенитет на Данска.

Трамп во повеќе наврати претходно се закануваше со анексија на Гренланд, што предизвика силни реакции од европските сојузници.