„Не сте нормални – автомобилот е убиствено орудие, а не пешакот“, реагира Најчевска на новите казни за пешаците

Професорката по право, Мирјана Најчевска, остро реагираше на најавените измени во Законот за безбедност во сообраќајот, со кои од 26 септември стапуваат во сила нови казни – 40 евра за пешаци кои користат мобилен телефон на пешачки премин и 50 евра за возачи кои зборуваат на телефон или носат слушалки додека управуваат со возило.

— реклама —

„Не сте нормални, најсериозно. Возењето со мобилен треба да се казнува најмалку 1000 евра, а најдобро е да се казнува процентуално согласно со примањата на прекршителот. Автомобилот е убиствено орудие, а не пешакот. Како ќе казнуваш пешак со мобилен на пешачки премин? На пешачки премин треба да сум заштитена, а не да се пазам од секоја будала која ја штити естаблишментот“, напиша Најчевска.

— реклама —

— реклама —

Таа постави и прашања за ранливите категории на граѓани: „Што правиме со тие кои се со оштетен слух? А со старите кои не се концентрирани? Да не ги пуштаме на улица? А децата кои не се концентрирани и нив да не ги пуштаме? А тие со попреченост и нив да не ги пуштаме на улица?“

— реклама —

Новите измени, според Министерството за внатрешни работи, треба да ја зголемат безбедноста во сообраќајот и да ги санкционираат навиките кои со години ја намалуваа сигурноста на улиците.