„Не треба ситуацијата во земјата дополнително да се влошува“, вели Ахмети и повика на предвремени избори

Лидерот на ДУИ, Али Ахмети, смета дека предвремените парламентарни избори се најдоброто решение за земјата, оценувајќи дека е потребно да се промени политичката клима и да не се дозволи состојбата дополнително да се влошува.

— реклама —

Гостувајќи во емисијата „Click Plus“ на ТВ21, Ахмети рече дека предвремени избори најверојатно нема да има оваа година, туку следната, но посочи дека неговата партија е подготвена за избори во секое време.

— реклама —

— реклама —

„Треба да се промени климата, сигурно ми се чини дека и најголемата македонска партија сфатила дека работите не одат добро. Треба да се внимава при изборот и да се почитува мнозинството Албанци, а најдобро решение би биле предвремените избори. Ако утре се одржат, ние сме подготвени“, изјави Ахмети.

Тој додаде дека е потребно да се создаде нова политичка атмосфера и да се преземат чекори за спречување на дополнително влошување на ситуацијата во земјата.