Не заборавајте: затворен за сообраќај е потегот од Кисела Вода до Црвен Крст во центарот на Скопје

Дел од булеварот „Македонија“ во Скопје од раните утрински часови е целосно затворен за сообраќај поради градежни активности во рамки на реконструкцијата.

— реклама —

Станува збор за потегот од Стара Рампа во Кисела Вода до семафорите кај Црвениот Крст, каде се изведува поставување на завршен слој на коловозот во првата фаза од проектот.

— реклама —

Од Град Скопје апелираат до граѓаните за разбирање и внимателно учество во сообраќајот.

„Ги замолуваме сите учесници во сообраќајот за разбирање и трпение, како и за почитување на поставената сообраќајна сигнализација и користење на алтернативните сообраќајни правци“, информираат од Градот.

— реклама —

Според надлежните, со реализацијата на оваа фаза се очекува подобрување на проточноста и намалување на метежот, како и зголемување на безбедноста на сообраќајот.

— реклама —

Од Град Скопје додаваат дека со целосната реализација на проектот, главниот град ќе ја добие и првата подземна сообраќајница, што се оценува како значаен инфраструктурен чекор за модернизација на сообраќајот.