„Нема милионски одливи од „АЛТА банка“, трансакциите со Србија се редовни плаќања на клиентите“, тврди Славески

Вкупно 180.000 евра се префрлени од АЛТА банка АД Битола кон Србија по 26 октомври, додека приливите од Србија во истиот период изнесуваат околу 16.000 евра. Според гувернерот на Народната банка, Трајко Славески, станува збор за редовни плаќања на клиентите, а не за милионски трансфери или сомнителни одливи.

— реклама —

Во гостувањето во емисијата „Топ тема“, Славески посочи дека Народната банка ги проверила трансакциите и утврдила дека тие се поврзани со редовното работење на клиентите, меѓу кои и мали домашни бизниси што увезуваат стоки од Србија.

— реклама —

— реклама —

„Нема милионски трансфери, нема такви одливи, ниту податоци за перење пари“, истакна гувернерот, појаснувајќи дека податоците се однесуваат на периодот по 26 октомври, односно по завршувањето на изборите во Србија.

— реклама —

Народната банка продолжува да ја следи состојбата во АЛТА банка АД Битола и да презема активности во рамките на своите законски надлежности, со цел заштита на средствата на клиентите и зачувување на стабилноста на банката и на банкарскиот систем.