Непроменета е состојбата на повредените од „Пулс“ кои се во критични, докторите и натаму се борат за нивните животи

Министерството за здравство информира дека во моментот 69 пациенти се на лекување во странство и нема промена во нивната состојба, во споредба со претходните денови. Непроменета е и состојбата на пациентите во критична состојба.

Во моментот, во установите во Скопје се лекуваат 15 пациенти и тоа:

— реклама —

- Во Хируршка клиника ,,Св Наум Охридски"-6,

— реклама —

-На Клиника за пластична хирургија -4 пациенти пристигнати синоќа од странство,

-На Клиника за токсикологија има двајца пациенти (еден од претходно кој е префрлен од Хируршка клиника ,,Св. Наум Охридски" и еден кој ноќеска е дојден од Шпанија) и еден пациент е хоспитализиран на Клиника за пулмологија.

— реклама —

-Во Систина се лекуваат двајца пациенти.

— реклама —

Сите пациенти кои се третираат во нашите установи се во стабилна состојба.

Министерството за здравство и понатаму внимателно ја следи состојбата на повредените пациенти и останува во постојана комуникација со медицинските тимови во земјава и странство, посветено на обезбедување најдобра можна нега за повредените од несреќата во Кочани.