Несреќа на охридскиот аеродром: Работник паднал од кров и се здобил со тешки повреди

Четириесет и четиригодишен работник од Кавадарци се здобил со тешки телесни повреди откако паднал при изведување градежни работи на Меѓународниот аеродром „Св. Апостол Павле“ во Охрид.

— реклама —

Според информациите од Министерството за внатрешни работи, на 8 јуни во 11:25 часот во СВР Охрид било пријавено дека при извршување градежни работи на кровот на една од зградите на аеродромот, паднал работник кој се здобил со тешки повреди.

— реклама —

Полициски службеници веднаш излегле на местото на настанот и утврдиле дека станува збор за З.П. (44) од Кавадарци.

— реклама —

Повредениот бил пренесен во Специјалната болница за ортопедија и трауматологија „Св. Еразмо“ во Охрид, каде му била укажана лекарска помош.

— реклама —

Увид на местото бил извршен, а надлежните институции работат на целосно расчистување на околностите под кои се случила несреќата.