Несреќа при земјоделски работи кај Прилеп: Жена била повлечена од механизам приклучен на трактор

Четириесет и шестгодишна жена од прилепското село Сенокос се здобила со тешки телесни повреди додека извршувала земјоделски работи во нива, во местото викано „Рибник“, во атарот на селото.

— реклама —

Според информациите од Министерството за внатрешни работи, случајот бил пријавен на 24 октомври во Одделението за внатрешни работи Прилеп. Несреќата се случила околу 15:10 часот.

— реклама —

Жената, со иницијали Е.И., заедно со сопругот С.И. ги собирала цревата од системот за наводнување „капка по капка“, користејќи самостојно изработен механизам приклучен на трактор.

— реклама —

Во еден момент, жената била повлечена од механизмот, при што се здобила со тешки повреди. Таа била пренесена во болницата во Прилеп за укажување лекарска помош.

Увид на местото извршила екипа од ОВР Прилеп. Од МВР информираат дека се преземаат мерки за расчистување на случајот.