Нестабилно време со дожд и ветер, од понеделник пообилни врнежи

— реклама —

Претежно облачно време ќе преовладува денеска низ земјава, при што во крајните северозападни и југоисточни делови ќе има повремени локални врнежи од дожд, а на повисоките планински предели се очекува слаб снег. Ќе дува умерен ветер, кој долж Повардарието повремено ќе биде засилен и ќе дува од југоисточен правец. Минималните температури ќе се движат од 3 до 7 степени, додека максималните дневни ќе достигнат од 8 до 12 степени Целзиусови.

— реклама —

— реклама —

Во Скопје времето ќе биде променливо облачно. Во претпладневните часови ќе има појава на магла, а попладне се очекуваат сончеви периоди со услови за повремени локални врнежи од дожд. Минималната температура во главниот град ќе се спушти до 3 степени, а максималната ќе достигне до 12 степени.

— реклама —

Во наредните денови следува период на изразена нестабилност. Во понеделник се очекуваат пообилни врнежи од дожд, со услови за ретки грмежи, а врнежите ќе продолжат и во вторник, сè до вечерните часови. Во среда претпладне времето ќе биде претежно сончево, но во попладневните часови облачноста повторно ќе се зголеми. Во текот на ноќта кон четврток и во текот на четврток се најавуваат нови врнежи од дожд, а на повисоките планински предели повторно ќе има услови за снег.