Во текот на денешниот ден се очекува променливо облачно и нестабилно време, со појава на пороен дожд, грмежи и засилен северен ветер кој локално ќе достигнува брзина над 50 километри на час.
Во одредени региони процесите ќе бидат поинтензивни и може да прераснат во невреме, проследено со обилен пороен дожд, силен ветер над 60 километри на час и услови за изолирана појава на град.
Минималните температури ќе се движат од 9 до 16 степени, додека максималните ќе достигнат од 21 до 28 степени.
Во Скопје исто така се очекува променливо облачно и нестабилно време со пороен дожд и грмежи. Во делови од котлината постои можност за краткотрајно невреме со интензивен дожд, засилен ветер и изолирана појава на град. Температурите ќе се движат од 14 до 26 степени.
Според прогнозата, во наредната седмица времето ќе биде претежно сончево и топло со мала до умерена облачност, но во попладневните часови повторно ќе има услови за локална нестабилност со пороен дожд, грмежи и засилен ветер.
